فى دايرة المحكمة
الصوت طنين ..
همهمة
حركة بشر.. والصور
معروفة أو مبهمة
كله ح يبقى سيان
أصل الأمور بميزان
و القاضى عين .. أعيان
وأنا معاه حاجب
شغلي بسيط إنما ..
في ندهتى محكمة
يقف الجميع واجب
والصمت يملا مكان
مرافعة ومداولات
أسرح واتوه فى هموم
ساكن أنا بدروم
علمني صمتي أصوم
وسعات كده أتعاجب
بحسي أنادى خصوم
أشوف بشر أنواع
طباع تجافى طباع
صراع.. ومهما يدوم
والقى الغيام حاجب
ألمح شعاع النور
من شاهد الإثبات
لأن ديماً كده
محال يدوم الحال
وانا اللى حالى حال
ليست هناك تعليقات:
إرسال تعليق